فى والله مفيش ولد فى مصر بيجرى مع حبيبته تحت المطر و يقعد يلف بيها لانهم لو ما اتشتموش من كل الّى فى الشارع او أمن الأزهر بارك طردهم فا اكيد هيتزحلقوا و يقعوا فى الطين لان حضارة 7000 سنة نسيت تبنى شبكة صرف صحى تعيش! - مفيش راجل بيجيب لمراته الفطار ع السرير لان ببساطة الراجل طلعان عين اُمه فى حاجات تانية فا اكيد مش يوم الاجازة هيحّضر الفطار أصلا .. كفاية مُحن و مسلسلات تركى! - الثورة مش مستمرة و احنا مش مكملين .. مش احباط دا مٌجرد اعتراف بالواقع ولو انى داخليا اتمنى اطلع غلطان مع انى اشك (طبقا للواقع المرير) .. ع العموم أدينا خدنا شوية إكسبيرينس هتنفعنا لو سافرنا اوكرانيا او اليونان او فنزويلا! - مفيش عالم موازى و مش هنعرف نهاجر و نسيب الارض و مش هنتعامل مع جنس تانى ارقى من البشر و هٌوا دا أخرنا سواء رضينا ام لا .. للأسف! - المسلسلات التركى ملهاش اى علاقة بالمصريين بنسبة اكبر و الافلام الهندى بتزيد جُرعة الهطل و الافلام المصرية الحديثة بتساعد على انخفاض معدلات الخصوبة خُصوصا عند الرجال! - مصر مش ام الدنيا و كل دول العالم عليها مؤامرات بما فيهم امريكا (عادى) بس محدش بانى فشله عليها قّدنا ولا عايش على اطلال حضارة الماضى قّدنا برضه! - الرجالة المصريين مش أظرف رجالة فى الكون ولا اكثرهم فحولة و لا أحرفهم لعب كورة ولا الطفل المصرى بيتولد اذكى طفل ولااااا أى هرى من دا زى ما فّهموك زمان! - الى مختلف معاك فى دينك او لغتك او توجهك او ميولك او أهوائك الجنسية أو الاخلاقية مش بيعُض و زى ما انت شايفه شاذ عن تَخّيُلك الطبيعى للكون هّوا كمان شايفك كدة بالضبط فا احسنلك تحاول تقتنع و تتقبل ان فى انواع كتير م البشر موجُودة فى الكون و يمكن فيهم ابعد من الى تتوّقع انه موجود .. و مش هتختفى! دى مش جُرعة إحباط بس الناس من قسوة الواقع أو إنغلاقها بسبب عادات او تربية او قله دراسة او ثقافة او او اتقوقعت و اقتنعت ان الخيال احتمال يتحقق!!

Теги: مصر المجتمع الثقافة

Теги других блогов: مصر المجتمع الثقافة